Er hugsanavillan mín???!???

Ég var að hlusta á Asmund Stefánsson í Kastljósi áðan þar sem hann sagði að flöt niðurfærsla lána gerði lítið fyrir þá sem verst væru settir og fyrir fólk eins og hann sjálfan, sem skuldaði ekki það mikið að hann hefði efni á að greiða af lánunum væri slíkt óþarfi.

Það eru auðvitað ekki allir með milljón eða tvær á mánuði í laun Ásmundur þannig að fyrir sum okkar sem getum enn greitt af lánunum okkar yrði 20 - 25% flöt niðurfærsla á lánum vel þegin.  Mögulega væri þá kannski aftur hægt að lifa aðeins með fólkinu mínu.  Það færi ekki hver einasta króna í skuldir og rekstur heimilisins.  Þetta hefur allt hækkað vegna ástandsins sem er ekki af okkar völdum.

Þarf að miða allt sem gert er eða gera á við þá sem eru verst settir?

 Erum við ekki öll að gjalda fyrir þetta ástand?  Jafnvel við sem enn getum greitt af lánunum okkar?

Eigum við þá þessvegna að greiða meira eða alveg þangað til við getum ekki meira?

Ég skil ekki jöfnuðinn í svona málflutningi, ég verð að viðurkenna það, eða réttlætið.

Sjálfur hefði ég haldið að fyrst af öllu hefði verið rétt að fara í almennar aðgerðir og létta af flestum þungum greiðslum og þar á eftir að taka á þeim sem þá voru í vandræðum.  Ef það er sérstakt áhugamál manna að forða því að einhverjir sem eiga þátt í hruninu fái aðstoð, flott. 

Það á þó ekki eins og er að gerast, koma í veg fyrir að venjulegt fólk fái aðstoð.  Fólk sem skuldsetti sig ekki óhóflega, heldur vinnu sinni en þarf nú að greiða nánast öll sín laun í skuldir og rekstur fjölskyldu sinnar.

Það er náttúrulega rugl að vera að ræða þetta við bankastjóra því hann hefur auðvitað eingöngu eina sýn á málinu og er ekkert að hugsa um réttlæti málsins því hans húsbóndi er eigandi bankans.  Hann, eðli málsins samkvæmt getur ekki orðað eigin persónulega skoðun.  Hann er ekki hlutlaus álitsgjafi og á því ekki að hafa neitt með málið að gera umfram það sem stjórnandi eins af nokkrum fyrirtækis hefur í svona aðstæðum.

Það er allt of mikið leitað til þeirra sem hafa beinan hag af því að gera ekkert!  Hversvegna er þessu fólki gefið svona mikið vald?

Þingmenn, horfið til venjulegra íslendinga og bjargið þjóðinni frá glötun.  Lagfærið skuldastöðuna hjá venjulegu fólki og hættið að hugsa um þá sem tóku rangar ákvarðanir eða voru óhóflega bjartsýnir eða hafa verið það óheppnir að hafa misst vinnu sína.  Fyrir þá eru nú þegar úrræði en ekki fyrir okkur hin.  Hversvegna á ég eða mín fjölskylda að líða fyrir þetta óeðlilega og óréttmæta ástand meira en orðið er?

Ef venjulegur íslendingur getur engu eytt gerist lítið í efnahagsmálum þar sem efnahagurinn hægir það mikið á sér að ekkert nýtt verður mögulegt.  Það verða ekki til ný störf á þennan hátt!  Ástandið batnar ekki fyrr en þessi venjulegi íslendingur fær svigrúm til athafna.  Það gerist ekkert fyrr.

Réttlætið í kreppunni!

Sumir fá ekki réttlæti vegna dugnaðar eða afskiptaleysis í fjármögnun liðinna tíma! 

Ég var að hlusta á útvarpið áðan, á Þorgerði Katrínu, Árna Þór og Þór Saari ræða möguleg úrræði eða úrræðaleysi í kreppunni.  Til tals komu fyrirhugaðar tillögur félagsmálaráðherra um afskriftir bílalána og þá heyrði ég Árna Þór segja að þá kæmi alltaf upp spurningin um hvort þeir sem geta greitt ættu að fá aðstoð því slík aðstoð væri á kostnað þeirra sem illa eða ekki gætu greitt.

Hvað er í gangi ? 

Snertir kreppan ekki alla landsmenn?  Eru einhverjir landsmenn ónæmir fyrir áhrifum kreppunnar?

Það má greinilega ræða öll mál í sandinn, flækja þau og snúa þannig að engin skilur neitt í neinu.

Eiga þeir sem eru þannig staddir í lífinu að geta greitt af skuldum sínu að greiða niður kreppuna alveg einir?  Urðu þeir ekki fyrir sama tjóninu og aðrir íslendingar?  Hvaða réttlæti er nú í gangi?

Ég verð að viðurkenna að ég skil ekki réttlætishugsun þessa fólks sem heldur aðstoð frá þeim sem hafa annaðhvort ekki steypt sér í skuldir eða hafa komið sér þannig fyrir í lífinu með vinnu og útsjónarsemi, að þeir geta greitt af skuldum sínum þrátt fyrir hækkun þeirra vegna kreppunnar.

Öll verðum við fyrir barðinu á ástandi mála.  Öll missum við kaupmátt, öll missum við eignir því skuldir okkar, stórar sem smáar, hækka án atbeina okkar. 

Fæst okkar fjárfestu um efni fram en öll líðum við fyrir ástand mála.

Hversvegna á þá að byrja á því að hjálpa sumum en ekki öðrum?

Eru ekki allir að líða fyrir kreppuna? 

Hafa ekki allir misst verðmæti, tapað eignum, misst kaupmátt?

Væri ekki nær að hjálpa öllum eitthvað t.d. með beinum niðurfærslum íbúðalána og bílalána, aftengingar verðtryggingar eða öðrum aðferðum sem koma öllum til góða? 

Voru þessar skuldir ekki seldar nýju bönkunum á hálfvirði eða minna? 

Hversvegna ekki að hjálpa almenningi?

Ef einhverjir eru enn í vandræðum eftir slíkar aðgerðir finndist mér ástæða til að skoða hvort skattborgarar allir, séu tilbúnir að aðstoða þá sem meiri aðstoðar þurfa með því að sætta sig við lægra þjónustustig eða dýrari þjónustu.

Það er sjálfsagt að aðstoða það fólk sem er aðstoðar þurfi.

Það ætti því að vera réttlætismál allra íslendinga að lagfæra áhrif kreppunnar hjá öllum íslendingum því allir verða fyrir áhrifum.  Það að félagshyggjustjórn sé búin að vera að velta sér upp úr því á annað ár hvort aðstoða eigi þennan eða hinn vegna þess að einhver annar á eignir er hreinlega kjánalegt því áhrifin eru jöfn á alla, afleiðingarnar þær sömu á alla.  Eini munurinn er að sumir hafa átt aðeins meiri sjóði eða minni skuldir en hinir en þeir eiga ekki að gjalda þess, eða hvað finnst ykkur?

Hverjum er treystandi í dag?

Hversvegna er engin aðstandenda síðunnar thodarhagur.is eða átaksins nefndur?  Hvað er verið að fela þar?

Ég hefði sjálfur talið það frumskilyrði þess að einhver einstaklingur vildi skrá sig á þennan málstað að aðstandendur hans væru þekktir en ekki í felum.  Svona leik hef ég séð áður.  Það þarf ekki að svíkja mig nema einu sinni til að ég hætti að treysta svona "málstað" sem enginn er á bak við.  Hvaða hagsmunir eru þarna á ferðinni?  Varla mínir!    Þegar þetta er ritað hafa yfir 800 manns þegar skráð sig fyrir einhverjum hlut í þessu "átaki" ykkar.  Hvað get ég sagt.  Kannski veit þetta fólk meira en ég um málið meira en kemur fram á síðunni, því þar er ekkert að fá.  Hvað veit ég?

Sýnið ykkur félagar og kannski skilur maður þá málið.

Hvað er "eðlileg samkeppni" finnst ykkur? 

Er það eðlileg samkeppni að stjórna yfir 50% (sennilega nær 70%) af smásölu á stór-reykjavíkur svæðinu?  Er það eðlileg samkeppni að geta sagt innflytjendum eða innlendum framleiðendum fyrir verkum?  Er það eðlileg samkeppni að stjórna allt og öllu þannig að "frjálsir" framleiðendur eru upp á ykkur komna vegna fjölda verslana ykkar?  Er það eðlileg samkeppni að flæða yfir alla verslun, upp og niður vörukeðjuna þannig að enginn geti hreyft sig án ykkar?  Hvað er "eðlileg" samkeppni?  Segið okkur það.  Í Bretlandi, landi sem telur milljónir neytenda, er það talið hættulegt markaðnum og andstætt hagsmunum neytenda ef einhver hefur stærri markaðshlutdeild en sem nemur 25%.  Viljið þið þá meina að hér á litla Íslandi þar sem neytendur eru færri en 300.000 að markaðshlutdeild  yfir 50% en undir 80% sé í lagi fyrir neytendur?

Mér hrýs hugur við óskammfeilni aðstandenda þessa átaks að bjóða okkur upp á svona val án þess að sýna okkur þá kurteisi að láta vita hverjir þeir eru.  Eru þetta stofnendur þessa veldis?  Eru þetta starfsmenn þeirra?   Hverjir eru þetta?  Það skiptir VERULEGU máli.

Í miðri kreppunni, sem er tilkomin vegna fólks sem taldi rétt að nýta þau tækifæri sem voru til staðar sjálfum sér til framdráttar og algjörlega án tillits til afleiðinga fyrir annað fólk.  Afleiðinga sem við, íslendingar, munum þurfa að upplifa hvern einasta dag næstu árin.  Ég mun ekki geta stutt börn mín næstu árin eins og ég hafði ráðgert vegna þessa fólks.  Ég mun þurfa að breyta öllu mínu lífi vegna þessa fólks vegna þess að laun mín munu ekki hækka næstu mánuðina, skattar munu aukast á mér næstu mánuðina, lánin mín hafa hækkað og munu halda áfram að hækka næstu mánuðina, verð á öllum vörum mun halda áfram að hækka næstu mánuðina og ég mun stöðugt hafa minna á milli handanna næstu mánuðina þrátt fyrir að vera svo heppinn að hafa vinnu.

Hvernig dettur einhverjum í hug að bjóða upp á svona valkost án þess að segja til sín?

677 vilja kaupa Haga